رواية حياة الفصل الاول بقلم حبيبة محمد صفوت
قصتنا بتبدأ مع واحده اسمها شاهندا وواحد اسمه آسر متجوزين بقالهم 12سنه ومرتاحين مع بعض بس في أول سنه جواز ليهم شاهندا عملت حادثه وشالت الرحم وفقدت الأمل في انها تخلف وقالت لجوزها يتجوز بس آسر كان بيحبها قوي ورفض فكرة الجواز دي خالص واتفق هوا ومراته شاهندا انهم يتبنو طفلين ويربوهم زي اولادهم وساعدتهم مامت آسر مليكه وأخته شهد في انهم يلاقو عيله مش قادره على مصاريف اولادهم او مستغنين عنهم وفعلا شهد عرفت ان في عيله مش عايزين اولادهم هما توأم ولد وبنت وكانو حديثي الولاده وشهد كانت في المستشفى وعرفت إن أهلهم مش عايزينهم ودورت وعرفت كل المعلومات عن العيله دي وقالت المعلومات دي لمامتها وأخوها ومرات أخوها اللي فرحت جدا أنهم حديثي الولاده يعني كإنهم اولادها بالظبط وراح آسر وشاهندا للعيله دي وخلصو كل حاجه وكل الورق اللي يثبت انهم اتبنوهم وكمان دفعو لأهل التوأم 12مليون جنيه بس مكانش فارق مع آسر وشاهندا الفلوس المهم الأولاد وأخدوهم وطلعو من بيت اهلهم وراحو القصر عند مليكه وشهد والفرحه كانت ماليه القصر كله
وفاطمه مامت شاهندا ومازن أخوها وعلي ابوها فرحو جدا وراحو يباركولها وآسر عمل حفلة عقيقه ليهم علشان كل الناس تعرف ان دول بقو أولاده والناس كلها كانت فاكره انهم أولاده بجد لانه تقريبا كان بيحبهم أكتر من نفسه هوا ومامتهم اللي كانت حاسه انها خلفتهم مش اتبنتهم وقرروا يسموهم حياه وحازم
وكبرو يوم بعد يوم وبقو روحهم في آسر وشاهندا ودخلوهم أحلى مدارس وأحلى عيشه (وقصتنا بتبدأ من هنا وهما عندهم 12سنه)
آسر: يلا يا حياه يلا يا حازم هتتأخرو على المدرسه
حياه: حاضر يا بابا بلبس الشوز وجايه اهو
حازم: أنا جاهز يا بابا يلا وسيب حياه تيجي في باص المدرسه علشان بتأخرنا كل يوم هههه
حياه: لاء يا بابا متسبنيش أنا خلصت اهو
شاهندا: كل واحد فيكو ياخد اللانش بوكس بتاعه من المطبخ
حازم: حاضر يا ماما
حازم داخل المطبخ
حياه: حازم ممكن تجيبلي اللانش بوكس بتاعي معاك
حازم: تدفعي كام
حياه: ولا مليم
حازم: يبقا مش هجيبو
حياه: ماما قوليلو يجيب معاه اللانش بوكس بتاعي
شاهندا: معلش يا آسر انتا الأكبر هاتو معاك
آسر: حاضر يا ماما
ودخل حازم المطبخ وضحك عليهم آسر وشاهندا
ومشي آسر وحازم وحياه آسر وصلهم المدرسه وراح الشركه في مكان تاني في المدرسه
جميله صحبة حياه وحازم
جميله: صباح الخير
حياه: صباح الفل
حازم: صباح النور
جميله: اتأخرتو ليه طابور المدرسه قاعد عليه خمس دقايق بس
حازم: كالعاده حياه أخرتنا
جميله: اممممممم وهتروحو ازاي عمو آسر هيجي ياخدكو ولا هتروحو في الباص
حياه: ماما هتبعتلنا السواق
جميله: طب ممكن تيجو معايا مشوار بالليل
حازم: فين المشوار ده
جميله: هجيب هديه لبابا علشان عيد ميلاده بكره
حياه بصت لحازم وقالت: Ok هنشوف ماما ونستأذن منها ونرن عليكي نقولك
جميله: تمام
تررررررررن تررررررررررن(جرس المدرسه)
حازم: يلا علشان طابور المدرسه
في مكان تاني عند آسر في الشركه قاعد في مكتبه ومركز في الورق اللي قدامه دخل عليه فارس
فارس: صباح الفل يا آسر
آسر: صباح الخير اتأخرت ليه
فارس: علشان وصلت جنى أختي الكليه
آسر: ماشي ربنا يوفقها............ إجهز علشان عندنا إجتماع
فارس: OK
آسر كلم السكيرتيره وقالها: مي جهزيلي قاعة الاجتماعات وقولي لموظفين الشركه على الاجتماع
مي: حاضر يا افندم
في مكان تاني في قصر آسر الكمايلي
مليكه: صباح الخير يا شاهندا
شاهندا: صباح الخير يا طنط
مليكه: هيا شهد مشيت
شاهندا: لااء منزلتش أصلا.
مليكه: إزاي دي مش موجوده في أوضتها...........
الفصل الثانى من هنا